یکے چه مومنءِ ادباں إشنت که اللهءِ سرءَ توکلءُ بروسه بکنت

گڈا  باید إنت منءُ شما زندءِ درستیں کارانی تها خدائی سرءَ بیسه بکن إنت دانکه په حقیقی کامیاتیءَ برس إنت الله تعالی فرمائٻنیت::{{ وَمَنْ یَتَوَکَّلْ عَلَى اللَّهِ فَهُوَ حَسْبُهُ}} [الطلاق/۳]

 هرکس که اللهءِ سرءَ بروسه بکنت گڈا خدا آئیءَ بس إنت.

وقال:{{وَعَلَى اللَّهِ فَتَوَکَّلُوا إِنْ کُنْتُمْ مُؤْمِنِینَ}} [المائدة/۲۳]

شما اللهءِ سرءَ بروسه بکن إت اگاں شما ایماندارإت. ءُ حضرت عمربن خطاب پرمائینیت:

عن عمر بن الخطاب رضی الله عنه قال: سمعت رسول الله صلى الله علیه وسلم یقول: {{ لو أنکم تتوکلون على الله حق توکله لرزقکم کما یرزق الطیر تغدو خماصا وتروح بطانا}}. جامع الترمذی

من چه مهتر رسول اللهءَ إشکت که اگاں شما اللهءِ سرءَ بروسه بکن إت گڈا شماری هنچو روزیگءَ دات که بالی مرگاں دنت؛ بامگاهءَ لاپ هالیگءَ درکپنتءُ بٻگاهءَ سٻرلاپءَ کاینت.

وقال أبو تراب النخشی رحمه الله : التوکل طمأنینة القلب إلى الله عز و جل.

توکل وبروسه اللهءِ سرءَ دلءَ آرام کنت.

بلے إشی که لوگءَ بنندإنتءُ اسبابءُ کاربوجاں کار مرزمکن إنتءُ په إے امیدءَ بنندإنت که الله مارا وت روزیگءَ دنت گڈا شی ردینءُ غلطیں لیکهءُ تفکرے. حضرت عمر پرمائینیت:

لا یقعدن أحدکم عن طلب الرزق ویقول اللهم ارزقنی وقد علمتم أن السماء لا تمطر ذهبا و لا فضة.

لوگءَ منندإتءُ مگْوش إت که أے الله! منءَ روزیگ بدے پچے که شما شر زانتگ که آزماں تلاهءُ نگرهءَ نگْواریت.

همے پیمءَ عبدالله امام احمد ابن حنبلءِ چوک وتی پتی جست کت که همے کساں که په وتی منّءُ گمان ءَ متوکل أنت گْوش أنت: ما لوگءَ نندإنت ءُ الله مئی روزیگءِ ذمه ای زرتگ ءُ وت بندءُ بست کنت . امام احمدءَ گْوشت: إے ردیں گپے  پرچا که خداوندءَ وت په سوداگریءُ روزیگءِ درگیجگءُ شوهازکنگی دستور داتگ، یقول الله عز وجل: فَإِذَا قُضِیَتِ الصَّلَاةُ فَانْتَشِرُوا فِی الْأَرْضِ وَابْتَغُوا مِنْ فَضْلِ اللَّهِ [الجمعة/۱۰]

هنچو که جمعهءِ نماز هلاس بوت گڈا شما زمینءِ سرءَ شنگ بتءُ اللهءِ فضلءَ بزاں حلالیں روزیگءَ بشوهازإت.

nazeernaz

نظرات شما عزیزان:

نام :

آدرس ایمیل:

وب سایت/بلاگ :

متن پیام:

نظر خصوصی

 کد را وارد نمایید:

 

 

 

عکس شما

آپلود عکس دلخواه: